tlhIngan-Hol Archive: Fri Dec 04 15:13:01 1998
[Date Prev][Date Next][Thread Prev][Thread Next]
Re: KLBC: nuQbogh jaj
mujang charghwI':
> HovqIj,
>
> bIQuplaw'. tu'HomI'raHmo' bIQeHqangchu'. pIj pub 'IwlIj. wej
> bIjotmeH mIw Daghoj. QeHlu'DI' Qatlh yIn. qay'qu'choH wanI'mey
> ram. DuSeH wanI'meyvam ram. potlhmey DatamlaHbe'bogh DaQaw'pa'
> bISeH'eghnIS. vIghro'lIj lam DateqtaHvIS vIghro'lIj neH
> yIqeltaH. juHlIj vIghro'lIj je DaQaHlI' 'e' yIqaw 'ej yIbeltaH.
> ngaj Qu'vam.
bIlugh. motlh qay'be' Qu'vam. qay'chu'be' Hoch jajvetlh wanI'. 'ach tay'DI'
wanI'Hommeyvetlh law', nom jIboHchoH 'ej jIQeHchoH. qaSpa' jajvetlh
vIDelpu'bogh mubelHa'moHchu' wanI'mey law'. ram 'op wanI'meyvetlh 'ach potlhqu'
'op wanI'meyvetlh. qaStaHvIS poH ngajqu'be' not jIleSlaHchu'. ghu'vetlh vIpar.
Hevetlhvo' Do' DaH jImejlaH. jIleSlaH. jIjotchoHlaH. wej Dun ghu'wIj 'ach
Hu' puS qab law' DaH qab puS.
> yItuv. bIboHDI' bI'oy''eghmoH neH 'ej chaq latlhpu'
> Da'oy' je. nIparHa' juppu'lI' chaq 'e' Danup. DotlhlIj
> DaDubbe'ba'.
>
> QatlhtaH Qu'vam. roD jItuv, 'ach wa'maHHu' HoptaHvIS
> bangwI', majatlhmeH ghogh HablI' DIlo'taHvIS, muQeHmoH bangwI'.
> majatlh 'e' wImevta'DI', buy'bogh Sut Say' ngaSwI' (a cloth bag)
> vIwoH 'ej nom gho He ghoS ngaSwI'vam. nIH, Dung, poS, bIng...
> pe'vIl ngaSwI'vamvaD rav vIngeQmoH. 'ughmo' ngaSwI', jIbelqu'.
> pagh vIghorlaw' 'ach jIralta'. jImon.
>
> 'ach He'So'choHlu'. noSvagh rur. qatlh 'ugh SutwIj Say'?
> jIqawchoH. *detergent* taS ngaS je SutwIj ngaSwI'. QaghwIj
> vIHajmo' QIt ngaSwI' vIpoSmoH. nom taS bal vIteq 'ej
> vIyoyHa'moH. jIQeHDI' jImobbe'law'. Qay'law' je balvam. yIQ 'op
> Sut. lamqa'mo' vISay'nISmoH. DaHjaj Hum ravwIj 'ej He'So'
> pa'wIj. wejpuH.
wejpuH, bIqar. 'ach reH QeHlIj Dapolchugh ghaytan bI'Itqu'choH. ghaytan wa'
jaj bIjor 'ej bIQID'eghchu' qoj latlhpu' DaQIDchu'. rut QeHlIj DatlhabmoH 'e'
qaq law' QeHlIj DavI' 'e' qaq puS.
>
>
> vaj qaqeSrup. reH yItuv! reH yIjot!
reH vulqangan yIDa???
> bIQeHchoHDI' tugh bIpay.
ghu' law'vaD lughbej qeSvam 'ach rut QeHnISchoHlu' 'e' vIHar.
HovqIj
>
>
> charghwI' 'utlh
>
> On Tue, 1 Dec 1998 15:41:42 -0800 (PST) Christiane Scharf
> <[email protected]> wrote:
>
> > wa'Hu' jIQeHchu'. ram QongDaqDajDaq <vomit> vIghro'wIj. po lamvetlh
> > vISay'nISmoH. 'eqqu' rep. DuSaQ qachDaq jIpawDI' chuchmo' yavDaq jIpum.
> > munuQmo' jajvetlh Hoch vInuQchu' jIH. pov veng vIghoS. mutlhej
> > vavnI'wI'. DaqDaq wa' mapaw. yavDuj vI'elHa'. Qu'wIj wa'DIch vIta'ta'DI'
> > yavDujDaq jIchegh. 'ach Dach vavnI' 'e' vItu'. lojmIt poSmoHmeH jan
> > vIHutlhmo' vavnI'vaD jIloSnISlI'. bIrqu'. jIQeH. qaStaHvIS poH nI'
> > jIloStaH. jIQeHqu'choH. mu'qaDmey vIbach. jIloStaH. jIQeHqu'. mu'qaDmey
> > qabqu' vIbach. jIloStaH. jIQeHqu'chu'. tlhoS jIjor. vay' vIQaw'
> > vIneHqu'. 'ach DaH vavnI' vIlegh. cholchoH. jIjorbe'. latlh Daq wIghoS.
> > yavDuj vI'elHa'. Qu'wIj cha'DIch vIta'ta'DI' yavDujDaq jIchegh. DaH SaH
> > vavnI'. 'ach SaH je latlh loD. jatlhtaH loDvetlh vavnI' je. vay'
> > vIHoHrupchoH. Do' mej loDvetlh. vaj bIghHa' vIDabnISbe'. juHDaq mapawDI'
> > SIbI' QongDaqDaq jISup 'ej pa' jIratlh.
> >
> > jIQaghqu'qa'chu' 'e' vItulbe'.
> >
> > HovqIj