tlhIngan-Hol Archive: Tue Aug 25 19:34:35 1998
[Date Prev][Date Next][Thread Prev][Thread Next]
Re: DIS cha' SanID
- From: "William H. Martin" <[email protected]>
- Subject: Re: DIS cha' SanID
- Date: Tue, 25 Aug 1998 22:34:41 -0400 (Eastern Daylight Time)
- Priority: NORMAL
ghunwI'pu' vIghomDI' pIj De'wI' Seng DIqel. lutna' qar DIjatlh.
chay' luj pat? lujchoHghach wISam. maja'chuq.
qay'bogh *software* wIDelchu'. jIHvaD wa'logh neH DIS cha'SanID
Seng Dellu'. *chemical* laSvarghDaq qay'choHlaw' luch leH
*software*. not laSvarghvam ngu' jupwI', 'ach vIHarqang.
*in a simulation* choHDI' tlhaq, Hoch luchqoq leHnISlu' 'e' wuq
*software*vam. mev laSvarghqoq naQ.
QIpqu' *software*vam, 'ach val laSvarghvam. *software*vam lutI'.
'ach qub ghu'vam 'e' vIHarbej 'ej belHa'taHvIS nuvpu' law',
'oy' puSqu'. Qugh 'oHbe'. chaq qaS QughHommey puS. ram.
On Mon, 24 Aug 1998 21:29:42 -0700 (PDT) Alan Anderson
<[email protected]> wrote:
> mujang charghwI':
> >> jIHvaD DIS cha' SanID yIqawmoHQo'...
> >yIleS. wIch neH 'oH.
>
> baQa', charghwI' -- bIlughbe'! DIS cha' SanIDmo' qaSbej Seng.
> motlh mach SengHom, 'ach law'bej SengHommey jay'!
nuQaH SengHommey. qoHpu' 'ang ghu'meyvam.
> laSvargh pat tobmeH "Chrysler" QulwI'pu', tlhaqmey lIS.
> DIS wa' Hut Hut Hut, jar wa'maH cha', jaj wejmaH wa',
> cha'maH wej vatlh wejmaH rep DamoH. loS.
> choHDI' DIS, ngaQchoH Hoch lojmItmey 'ej ngaQHa'Qo'.
> qaS 'e' pIH pagh. poSmoHmeH, tlhaqmey lughnISmoH.
loQ belHa'lu'ba', 'ach potlh'a'? lojmIt pat qImnISlu'ba'.
tI'nIS. 'oy''a' vay'? vay' ghorlu''a'?
> choHDI' vatlh DIS poH lujbogh luch vIloH jIH.
> pIch ghajbe' luch ghunwI' -- Duy' mIqta'.
jIyajbe'law'. mIqta' yIDel. chay' Duy'. luj nuq.
mujchoH jaj mI'mey puS. vaj qaS nuq? ngaQchoH 'op lojmItmey.
qaStaHvIS tupmey puS poSmoHlaHbe'. maQom'a'? nuQaw''a' Qugh?
> pat law' lutI'nISlu'bogh vIlo' jIH.
> ghaytan lutI'lu'ta'be' lujpa'; yapbe' jo.
> vaj Seng wIjunmeH, mIw Huj wI'oghta'.
> pupbe' mIwvam; QapHa'laH, 'ach 'ut.
qaSDI' *holiday*mey mev laSvarghmey law'. Daqmey law'qu'Daq
quqbej ghu'vam. lIm pagh. *holiday* 'oH DIS chu''e'. *So*? qay'
nuq?
> chaq Huch SaHbe' pat Daqelbogh. chaq tI'meH poH luSaHbe'.
DaH wIchvam wISammo' Huch poH je wInatlh. tI'HeymeH poH
wISIQbej. chaq luj De'wI''a' pa' lojmIt ngaQbogh pat ngo''e'.
pat tIQ wIlo'mo' qoHpu' maH. 'ach De'wI''a' vIlo'be'mo', jImon.
tugh tI'lu'. 'oy' pagh.
> chaq DIS luSaHbe'. chaq poHbe' patmeylIj.
> Dochmeyvam qel pat law' -- 'ej QapHa'bej pat law'.
qaSDI', ghu' wItu'bej. maHagh 'e' vIpIH. maHaghchugh, jIHaghchu'
'e' vIHech. maSaQchugh vaj jISaQchu' 'e' vIpIH je. reH Suvrup
SuvwI''a'. rejmorgh jIHbe'.
> DIS cha' SanID lotHey vISIQtaHqu' jIH, charghwI'.
> Seng Datu'be'mo' SoH neH, Sovna'wIj'e' yItIchQo'.
qatIch vIneHbe'bej. 'ach wej choDuQ. Sengna' yIDel 'ej qanuQ 'e'
vImev. *Chrysler*Daq ngaQchoH lojmItmey. lot 'oH 'e' Dachup'a'?
> -- ghunchu'wI'
charghwI'