tlhIngan-Hol Archive: Sat Aug 01 03:54:57 1998
[Date Prev][Date Next][Thread Prev][Thread Next]
DujwIj luHo' Qoybe'wI'pu'
- From: "Holtej" <[email protected]>
- Subject: DujwIj luHo' Qoybe'wI'pu'
- Date: Sat, 1 Aug 1998 06:53:46 -0400
- Importance: Normal
Hu' puS, DujwIj vIchIj. qaStaHvIS jaj naQ jIvumqu', 'ej juHwIjDaq jIchegh.
mutlhej puqloDwI'. <ghew chu'> [1] 'oH DujwIj'e': *Opus vIpong.
juHwIj vIcholDI', loS ghot vItu'. DujwIj luleghDI', SIbI' jatlhchoH; DujwIj
luqel. 'ach ghoghchaj lo'be': ghopDu'chaj lo'. toH! QoylaHbe'! (jatlhmeH
ghopDu' lo' Qoybe'wI' net Sov). retlhchajDaq jImev, 'ej QorwaghwIj
vIpoSmoH. (qatlh? jISovbe'!) <boparHa''a'?> vIghelmeH ghopDu'wIj vIlo'.
(chaq Holvam vIDelmeH <ghop Hol> [2] vIlo'.) ghop Hol vISovmo', vImerqu'!
maQumlaHmo', muyu'choH! <nuqDaq chenmoHlu'? nuqDaq Daje'? Huch 'ar DaDIl?
nuqDaq 'oH jonta''e'?> mughel. mubejchu' puqloDwI': ghop Hol vISov 'e'
Sovbej ghaH, 'ach ghop Hol vIlo' wej 'e' legh ghaH. juHwIjDaq pIjHa' vIlo'.
Do'Ha' naDev Dabbe' Qoybe'wI'pu'vam! wa' loD vav luSuch neH. wejpuH. 'ach
ghu'vetlh vItIvqu'!
--Holtej
[1] "New Beetle"
[2] Sign language
SKI: While driving home from work one day Holtej encounters some Deaf folks,
and stops to chat with them about Opus.