tlhIngan-Hol Archive: Fri Oct 31 01:23:41 1997
[Date Prev][Date Next][Thread Prev][Thread Next]
Re: QapHa'law' nIn juvwI'
- From: "William H. Martin" <[email protected]>
- Subject: Re: QapHa'law' nIn juvwI'
- Date: Fri, 31 Oct 1997 04:23:59 -0500 (Eastern Standard Time)
- Priority: NORMAL
On Wed, 29 Oct 1997 11:53:53 -0800 (PST) Alan Anderson
<[email protected]> wrote:
> juHwIj tujmoH jan le'. bIQ tujmoH.
> juH tujmoHmeH, tuj tlhuDwI'Daq vIH bIQ tuj.
> tlhutlhmeH 'ej Say'moHmeH bIQ tujmoH je.
> 'ul lo'be' janvam. ('ul puSqu' lo', 'ach ram.)
> meQbogh SIp 'oH nInDaj'e'.
> juHwIjDaq SIp lo' janvam neH.
juHHomwIjvaD <<reH pa'>> vIpong.
*reH pa'* tujmoHmeH jan le' vIghaj je.
bIQ tujmoHbe'. *reH pa'* qoD muDHom neH tujmoH.
meQbogh SIp lo' je, 'ach SIp ngaSbogh lo'. SIp bal'a' lo'. 'ul
lo'be'chu', *piezoelectric* qul taghwI' DabuSHa'chugh.
DaH *reH pa'*Daq vIDabbe'lI'. chaq tugh vIchegh. DaH jujmeH
'ej bIrmeH 'ul lo' juHwIj ru'. ngoDvam vIpar 'ach rut mumer yIn
'ej jImoSnIS. jIlaj.
> -- ghunchu'wI'
charghwI'