tlhIngan-Hol Archive: Wed Oct 15 10:16:04 1997
[Date Prev][Date Next][Thread Prev][Thread Next]
Qe'HommI'QeD
- From: "David Trimboli" <[email protected]>
- Subject: Qe'HommI'QeD
- Date: Tue, 14 Oct 97 19:11:22 UT
This was just a quick translation for fun. I didn't try very hard, so it's
probably almost incomprehensible. At least a few of you should be able to
recognize it.
[email protected] on behalf of William H. Martin wrote:
> On Mon, 13 Oct 1997 10:54:34 -0700 (PDT) "Andeen, Eric" wrote:
>
> > mIghbe'bej mI'QeD. lI'qu'. mI'QeD DaHaDvIpchugh, not DujlIj DachIjlaH.
>
> Qe'Daq 'uQ wIDIlnISDI', De'wI'Hom lo'choH latlhpu' 'ach yab neH
> lo' *pagh*. jabwI' Huch rup je wuq 'ej mon. De'wI'Hom legh 'ej
> nogh ghIchDaj. De'wI'Hom lo'nIS net chupchugh, vaj *pagh*
> tIchlu'. <<pujchugh yablIj, De'wI'Hom yIlo'!>> jatlh *pagh*.
>
> mI'mey bIH *pagh* juppu''e'. mI'mey yItIchQo'! bortaS Sam *pagh*.
Hovmey joj tInqu'Daq lengmeH Dun mIwvam chu': Qe'HommI'QeD QuQ.
mISmoHchu'bogh **ghaytanHa'ghach mI'mey Qob lulo'nISbe'.
mI'mey yajmeH povbogh mIw chu' 'oH Qe'HommI'QeD'e'. Habbe' logh 'e' tob
Einstein: loghDaq vIHchugh bejwI', logh choH ghaH; 'ej Habbe' poH 'e' tob:
poHDaq vIHchugh bejwI', poH choH ghaH. DaH yajlu': Habbe' mI'mey. mI'mey
luchoH bejwI', Qe'meyDaq vIHchugh ghaH.
choHtaHbogh mI' wa'DIch: raSDaq ba' ghot 'ar 'e' pIH Qe' vu'wI'? SartaH
mI'vam, wejlogh Qe' lurI'taHvIS SopwI'pu'. pIm mI'vam, Qe' luSuchbogh ghotpu'
mI' je. mevDI' ghe'naQ/mu'qaD veS/lopno'/much, paw je ghot mI' pImqu'.
latlhpu' pawpu'bogh leghDI', mejbej ghotpu' 'ej pImqu' je mI'vam.
choHtaHbogh mI' cha'DIch: ghorgh paw Hoch? mI'QeD qech Hujqu' 'oH DaH net
Sov: **yoyyIHa'teq. yoyyIHa'teq QIjlu': nuq 'oH? nuqvam 'oHbe'. vaj, pawmeH
poH 'anglu': pawlaHDI' pagh, pawpu' Hoch net nab. DaH mI'QeDvaD potlh
yoyyIHa'teqmey. lulo' mI' toghwI'pu', Huchtejpu' je. <latlhvaD qay'> HoS
chenmoHmeH lo'lu'.
choHtaHbogh mI' wejDIch (mI'vam Huj law' Hoch Huj puS): DIlmeH navDaq Doch 'ar
tu'lu'? Hoch Doch DeQ 'ar poQlu'? raSDaq ghot 'ar tu'lu'? DeQ 'ar nobrup
Hoch? (Huch lughajqu'bogh ghotpu' mI' 'oH QeDHom'e' neH.) chay' Qap
mI'meyvam?
mISmoHbogh QaghHeymey luqelmo' neH pagh SaghtaHvIS, not nuDchu'ta' qaStaHvIS
vatlh poH law'. taylu'mo', tayHa'lu'mo', QeHlu'mo', mIylu'mo', Doy'lu'mo',
Quchlu'mo', qoj paSlu'mo' qaS QaghHey 'e' Har Hoch, vaj po veb
lulIjlu'chu'pu'. not QeDqachDaq ngonglu', QeDqachDaq qaSbe'mo' QaghHeymey --
QeDqach quvDaq.
vaj De'wI'Hommey'e' lu'oghlu'DI' merbogh vIt 'anglu'.
Qe' qoDDaq DIlmeH navDaq je mI'mey lughItlhlu'bogh, 'ej latlh 'u' 'ay'Daq nav
latlhDaq je mI'mey lughItlhlu'bogh, mI'QeD chut pImqu' pab.
QeDmey tejpu' je jevchu' mu'tlheghvam. chu'moHchu'. Qe' QaQDaq qaS mI'QeD
qep'a'mey law'qu' vaj Hegh wa' puq poH valchu'wI', pI'qu'mo' 'ej QapHa'mo'
tIqchaj. tlhoS mI'QeD Qaw'lu'chu'.
'ach QIt qech yajchoHlu'. chImpu'. maw'pu'. HeDaq yIttaHchugh vay',
jatlhlaHpu' <va, quSDaq yIba'.> DaH mu'mey le' lu'oghlu': <DaqDaq pe'vIlmey
Daghach>, 'ej leSlaH Hoch 'ej ruchlaH.
SuStel
Stardate 97787.3