tlhIngan-Hol Archive: Sat Oct 11 21:49:48 1997
[Date Prev][Date Next][Thread Prev][Thread Next]
paqleD lut tlhaQ
- From: Terrence Donnelly <[email protected]>
- Subject: paqleD lut tlhaQ
- Date: Sat, 11 Oct 1997 22:42:29 -0500
Sor bIngDaq ba'taH wa' tlhIngan.
yav Duj He retlhDaq ghaH.
tugh cha' paqleDpu' legh.
vumwI' chaHlaw'.
yav Duj HeDaq yIt chaH.
Hopqu'.
DaH yIt 'e' lumev.
yavDaq Qargh pe'chu' wa' paqleD.
qaStaHvIS tup puS, leS chaH.
Qargh teb latlh paqleD.
yItqa'.
tugh mevqa' chaH, yavDaq Qargh pe'qa' wa',
leSqa' chaH, Qargh tebqa' latlh, yItqa' chaH.
javlogh Qarghmey tebHa' 'ej tebqa' chaH 'e' legh tlhIngan.
ghaHvaD Dajqu' wanI'.
DaH Sumqu' paqleDpu' tlhIngan je.
paqleDpu' yu' ghaH.
"chay' Suvang?
qatlh reH Qargh Dape' wa', SuleS, Qargh Dateb latlh?"
jang wa' paqleD.
"DaHjaj ropmo' ghaH, juHDaq ratlhtaH Sor pochbogh vumwI''e'."
-- ter'eS