tlhIngan-Hol Archive: Mon Nov 17 16:20:20 1997
[Date Prev][Date Next][Thread Prev][Thread Next]
'IH ghew
- From: "Andeen, Eric" <[email protected]>
- Subject: 'IH ghew
- Date: Mon, 17 Nov 1997 17:29:37 -0700
'IHbej Holmaj.
taQ Holmaj 'e' Har HochHom ghotpu'. Daj 'e' Harlaw' ghotpu' law'. 'ach
moH Holmaj 'e' Har HochHom ghotpu' je, 'ej mujchu'. jatlhtaHvIS po'wI',
jI'Ij 'ej jIbel. jatlhwI' vIyajlaHmo' jIbel, 'ach QIch vItIv je.
jatlhchu' Qov, SuStel, latlhpu' je, 'ej tlhIngan Hol lujatlhtaHvIS,
'IHqu' ghoghchaj.
pIj DujwIj vIchIjtaHvIS, jIja''egh. jIqeqmeH jIjatlh, 'ach tlhIngan Hol
QIch vIQoymo' je jIjatlh. "CK" tawIj, "PK" tawIj je vISamnISqa' (cha'ben
juH chu' vIDabchoHDI' vIchIl). "KCD" vIghaj, vaj "PK" vIQoylaw', 'ach
poD. ta naQ vIQoy vIneH.
qep'a' loSDIchDaq, ja'chuq Qov latlhpu' je. jatlhchu' Qov, 'ach nom
jatlh, 'ej QoyHa' wa'. vaj jatlhqa' Qov <ghew>. jatlhchu'qu', 'ej
wanI'Homvam vIqawchu'taH. chemvaH rur ghoghDaj: Hab 'ach Qob. qep'a'vo'
QIch chovnatlhvam neH vIqawlaHtaHchugh, jIyonlaH.
SKI: pagh muses about what a beautiful spoken language Klingon is, and
about Qov saying "ghew" beautifully at the qep'a'.
pagh
p.s. peqon Hoch! tlhIngan Hol yIlo'! Dotlhraj tIDel. juppu'raj tIDel.
vay' boqel boneHbogh tIqel. potlhnISbe' qechraj; tlhIngan Hol
bolo'chugh, potlhbej mu'meyraj. QInmey vIlaDtaHvIS, DIvI' Hol law' law'
tlhIngan Hol law' puS. Holmaj lo'chugh pagh, 'IHlaHbe'ba'.