tlhIngan-Hol Archive: Mon Mar 24 08:21:40 1997
[Date Prev][Date Next][Thread Prev][Thread Next]
Re: jIreghta'
ghItlh Seqram:
>'eb wa'DIch 'oHbe'. 'eb cha'DIch 'oHbe' je. qaSpa' 'ebvam, vaghlogh (DIch
>vIghajbe') 'Iw vInobpu': jIreghvIpbe', jIreghrupbej. 'ach jIreghchoHpa',
>qay' vay'. "Blood Pressure"wIj lujuv, 'ej lujuvtaHvIS... qaS vay'.
>'arghqu'choH "B.P."wIj. "90/20" 'oH net juv, 'ej loQ jIvulchoH. "pa'
>yIghoS, 'ej yIQot!" mura'lu'. vaj jIQot 'ej jIleS, 'ej tugh jIchegh.
>"B.P." lujuvqa'... 'ej 'arghqu'qa'. "DaHjaj 'Iw Danobbe'" muja'. qatlh
>jIvulchoH? jISovbe'. le''a' jajvetlh? jum.
jumbej. "Blood Pressure"wIj juvlu'taHvIS, 'arghchoH je 'ach ghur mI'mey
jIbItchoHmo'. 'Iw vInob net tuch vIneHbe'qu'.
wa'logh mubot, nom QaptaHmo' tIqwIj. (va. Qap tIq 'e' vIDelmeH nuq wot
vIlo'nIS?) moQbara' vIqeqtaHvIS, QIt QaptaH tIqwIj 'ach Huch yap vIHutlhmo',
jIqeq 'e' vImevnIS. Do'Ha'bej 'ej DaH nom Qapqa' tIqwIj.
jIDughchugh 'ej Sun vIlo'chugh vaj nIteb juHwIjDaq moQbara' vIqeq 'ach...
jIDub'eghnISmoHbej.
- DaQtIq