tlhIngan-Hol Archive: Sun Jun 08 06:01:58 1997
[Date Prev][Date Next][Thread Prev][Thread Next]
QapHa' De'wI'wIj
- From: "William H. Martin" <[email protected]>
- Subject: QapHa' De'wI'wIj
- Date: Sun, 8 Jun 1997 09:01:59 -0400 ()
- Priority: NORMAL
Qu'vatlh!
chIm De'wI'wIj HoS Hal. juHwIj HoS Hal polwI' rIHmo' pem wov,
HoS choHwI' poQlu' 'ej pIj chuS HoS choHwI'vam. DaH chuSqu'.
chuSmo' QapHa' HablI'wIj. jabbI'IDmey vIlablaHbe' 'ej
vIlI'laHbe'. jabbI'IDvam vIpollI'.
Qatlhqu' ghu'wIj. wa'Hu' *contra dance*Daq SaH be' chu'
vImuSHa'pu'bogh, 'ach "caller" ghaH loD chu''e' muSHa'taHbogh
be'vam.
wejpuH.
juH vIghoS. puchpa' vIghoSlI'DI' chuSqu'lu' 'e' vIQoy. rav
qIpqa'lu' [*bang, bang, bang, bang*...] 'ej jach wa'maH wa' DIS
be'qochwIj be'qochDaj chu' je. Haghqu' chaH. chuSbej parmaqDaj.
wejpuH.
HeghmeH QaQ jajvam.
charghwI'