tlhIngan-Hol Archive: Thu Jun 05 08:34:59 1997
[Date Prev][Date Next][Thread Prev][Thread Next]
Re: Kosher
- From: [email protected] (Alan Anderson)
- Subject: Re: Kosher
- Date: Thu, 5 Jun 97 09:49:38 EST
ja' Qob:
>*kosher* vIyajbe'. jI*yIDbe'. 'ach, juHvo' tajDaj qemchugh, vaj
>qay'be'. qar'a'?
ghobe'. cha' taj qemnISlaw'.
napbe' "kosher" chutmey 'ej law', 'ach potlhqu' wej chut.
wa': Ha'DIbaH puS Soplu' net tuch.
cha' lem 'ay' ghajchugh Ha'DIbaH, Hat.
bIQDaq yInchugh 'ej letqu'chugh DIrHeyDaj, Hat.
chutmey vIQIjchu'be'pu'. law' chut.
cha': batlh Ha'DIbaH HoHlu'nIS.
mIw le' lo'nIS HoHwI'. HeghtaHvIS Ha'DIbaH bechbe'nIS.
chutmey vIQIjchu'be'pu'. law' chut.
wej: tay'be'nISqu' Ha'DIbaH "milk" je.
Doch Hotpu'chugh Ha'DIbaH, Dochvetlh lo'be'nIS SopwI' "milk" SoptaHvIS.
Doch Hotpu'chugh "milk", Dochvetlh lo'be'nIS SopwI' Ha'DIbaH SoptaHvIS.
burghDaq tay'be'nIS je.
"milk" SopDI' "kosher" pabwI', Ha'DIbaH SoplaHpa' loSnIS.
qaSnIS cha' rep 'e' vIHar 'ach vIqawbejbe'.
Ha'DIbaH SopDI' "kosher" pabwI', "milk" SoplaHpa' loSnIS.
qaSnIS cha'maH tup 'e' vIHar 'ach vIqawbejbe'.
Doghlaw' chutvam. chutHom neH 'oH; loQ pIm chutna'.
ja' chutna': SoSDaj "milk"-Daq Ha'DIbaH yIpubmoHQo'.
'ach yepqu'meH SopwI', chenpu' chut law'. bong bIv neHbe'.
"kosher" pabwI'vaD Hat Soj law'.
Hatlaw' Ha'DIbaH motlh. Hatbej "ham".
Hatqu' "cheeseburger". Hatchu' "pepperoni pizza".
SKI: Many animals may not be eaten. Those that may must be
slaughtered in a specific way. And meat and milk don't mix.
-- ghunchu'wI'