tlhIngan-Hol Archive: Mon Jun 02 00:26:53 1997
[Date Prev][Date Next][Thread Prev][Thread Next]
DIp qaD
I have attached a file in ASCII text from my WordPerfect word processor
regarding tlhIngan Hol Complex Nouns. The article is entirely in tlhIngan
Hol and argues the evidence from MO himself regarding resultant nouns which
are not composed of only simple nouns as the parts.
Good reading! peHruS
tlhIngan Hol mu'ghom 'ay' wej DoD cha' DoD wa'Daq DIpmey rarlu'bogh ghItlhmey tu'lu' net
Sov cha' DIpmey DIpmey law' joq rarlu' 'e' vIlaD
'ay' wej DoD cha' DoD cha'Daq wot mu' Segh HutDIch {-wI'} je rarlu'bogh ghItlhmey tu'lu'
'ay' wej DoD cha' DoD wejDaq latlh DIpmey napbe' ghItlhmey tu'lu' pa' <<cha' mu' ghoghmey
wej mu' ghoghmey joq tlhIngan Hol DIpmey law' tu'lu' 'ach Seghmeyvetlh Delbe' DungDaq
'oHtaHbogh mu'mey ghaytan qaStaHvIS poH 'eq chenmoHmeH DIpmey nap rarlu' 'ach DaH
DIpmey napbe' chenmoHbogh wa' Hoch ghap lo'lu'be'mo' vaj mu'qunQeD Qulchu'be'taHvIS nuq
lu'oS mu''ay'meyvetlh 'e' wISovlaHbe'>> qonlu'
DIpmey neH DIrarlaH 'e' 'oSba' wej 'ay'meyvam
'ach pabbe'law'bogh DIpmey napbe' law' qonpu' je Marc Okrand
{Saqghom} {botjan} {lolSeHcha} {qawHaq} {Qapla'} {QumpIn} {SeHlaw} {lupDuj}
{muvtay} {qughDuj} {ra'ghomquv} {'oy'naQ} {QongDaq} {vutpa'} {'Iw 'Ipghommey}
{qa'meH} {nIbpoH} {nenghep} {nentay} je bIH rarchuqbogh DIp'e' wot'e' je
{bIQtIq} {De'wI'} {HoSghaj} {Hovtay'} {Ho''oy'} {maSwov} {mongDech} {mu'tay'}
{yuQjIjQa'} {chuS'ugh} {HerghwI'} {leSSov} {HeDon} je bIH rarchuqbogh Seghmey nIbbe''e'
jatlh nuvpu' HochHom DIp Da qaSpa' DaHjaj DIp 'oHbe'bogh mu''e' 'ach matoblaHbe'
'e' jIQoch
vImaq tlhIngan Hol mu'ghom 'ay' wej DoD cha'Daq <<mIch law' ngaS DIpmey
DuDlu'bogh>> 'ej DIpmey neH 'oSbe' mu' {mIch}
chaq wotmey DIlo'laH je maH
DungDaq bIHtaHbogh lo'mey tu'lu'mo' lo'ta' Marc Okrand 'e' vIHarchu'
mu' {nenghep} wIwavDI' wot {nen} DIp {ghep} je DItu'ba'
chay' mu' {peHghep} wIwav 'e' wISovbe'
'ach DungDaq 'oHtaHbogh mIw wIHaDchugh wavDI' wot rurlaw'bogh {peH} DIp {ghep} je
DISuqba'
MO ghItlhmeyDaq tay'be'taHvIS mu' {peH} not wIleghpu'be'mo' DaH lulo'be'chu' KLI nuvpu'
'ach vImaq Dajpa' wot 'oH 'e' vISovchu'
nuHvam vIwoHchu' 'ej jIqaDrupchu' peHruS