tlhIngan-Hol Archive: Wed Feb 26 14:15:05 1997
[Date Prev][Date Next][Thread Prev][Thread Next]
Holna' wIlo'bejtaH
- From: [email protected] (Qunchuy)
- Subject: Holna' wIlo'bejtaH
- Date: Wed, 26 Feb 97 16:26:14 EST
tlhIngan Hol wIqeltaH
Holna' 'oH qar'a'
wIlo'taHvIS maQumbej
lutmey DIqon
mabech
maghoH
mangach
mavInglaH 'ej mapIchlaH
qechmey DIja'laHba' 'ej DIyajlaH
vaj jIbelHa' ja'DI' vay' pab chu' wIpoQ
jIQeH ja'DI' vay' mu'na' chu' vIchenmoHlaH
jIQay' ja'DI' vay' Quj neH 'oH Holvam'e'
chaq vay'vaD Quj 'oH tlhIngan Hol'e' 'ach pabnIStaH Quj
pupbe'bej tlhIngan Hol 'ach wIlo'meH yapba'
chaq naQbe' pab wISovbogh
chaq pab Hutlh neH Holmaj
qatlh qay'
vay' boja'laHbe'chugh yIja'Qo'
mu'mey tIchoHmoH
ram mu'mey
potlh qech'e'
bechwI'pu' Subech 'e' yImev
Hol Dun wIghajtaH
pejatlhqu'
jatlhta' Qunchuy