tlhIngan-Hol Archive: Wed Aug 20 17:09:21 1997
[Date Prev][Date Next][Thread Prev][Thread Next]
'oy' vISIQ
- From: "William H. Martin" <[email protected]>
- Subject: 'oy' vISIQ
- Date: Wed, 20 Aug 1997 20:10:57 -0400 ()
- Priority: NORMAL
charghwI'vo:
'oy'qu' tlhuQwIj.
wejHu' muD Duj vIlIgh. qaStaHvIS tera' qo' naQ noH cha'DIch,
DeghwI'pu' mojmeH negh, Dujvam lo'lu'ta'. SuD 'ej wovqu'. jIr
Dujvam 'ej ghomeyHey chenmoH HeDaj. nom Dung ghoSDI' Duj,
jI'ughchoH.
jI'ughchoHDI' tlhuQwIj ghoS 'IwwIj. loQ jor tlhuQ 'aD 'ej 'Iw
ngaStaHvIS tlhuQwIj DIr, regh 'aD. loQ SubchoH 'Iwvam. 'oy'qu'
tlhuQwIj. HaqwI' vISuch.
wa'maH wejvatlh wa'maH vagh rep muHaq. wa'maH javvatlh vagh rep
jabbI'IDvam vItagh. jIba'be'taH. burghwIjDaq jIQot.
tugh jIghItlhqa', 'ach DaH jIHaH'eghmeH jImej.
pItlh