tlhIngan-Hol Archive: Tue Aug 12 19:07:00 1997
[Date Prev][Date Next][Thread Prev][Thread Next]
Re: nuqDaq SuyIntaH ?
- From: "William H. Martin" <[email protected]>
- Subject: Re: nuqDaq SuyIntaH ?
- Date: Tue, 12 Aug 1997 22:08:08 -0400 ()
- Priority: NORMAL
On Sun, 10 Aug 1997 13:50:13 -0700 (PDT) [email protected] wrote:
> tlhIngan HolvaD jIjatlhbe'chugh vaj tlhIngan Hol vIjatlhnIS qar'a'
> DaH loQ tlhIngan Hol vIjatlhlaHlaw' 'ej Sayu' vIneH
> pongmeyraj neH vISov
> tlhIHvo' vay' vISov vIneH
> nuqDaq SuyIntaH
> (If I don't speak about Klingon language, I must speak in Klingon, right?
> I think I can speak Klingon a little now and I want to ask you something.
> I only know your names. I'd like to know some more about you.
> Where do you live?)
>
> ______________
> muHwI'
> Stardate 97610.1
charghwI' mupong tlhInganpu'. *Will* mupong tera'nganpu'.
*William, the Conqueror*mo' pongwIj vIwuq.
loSmaH cha'ben jIboghpu'. jav ben tlhIngan Hol vIghojchoH. QIt
jIghoj. rut maghoH HoD Qanqor jIH je.
pIjHa' jabbI'IDghomvamDaq tlhIngan Hol jatlhlu'mo' QeHchoH HoD
Qanqor. <<qaStaHvIS wa' jar naQ tlhIngan Hol neH vIjatlh>> lay'
Qanqor HoD 'ej <<jIHvo' latlhpu'vaD yImugh!>> mura'.
qaStaHvIS jarvetlh nom jIghoj. tlhIngan Hol jatlhchu' HoD
Qanqor. law'qu' mu'tlheghmeyDaj pov. jIyajmeH ngeD Qu' 'ej
mu'meyDajmo' jIqeqqu'laHta'.
taghwI' pabpo' wa'DIch moj trI'qal HoD. ghaH cho' Holtej.
taghwI' pabpo' wejDIch vImoj. jabbI'IDghomvam vItoy'taHvIS
ghurqu' jabbI'IDghomvam. ghur je nuvmey law' laH.
*Virginia* botlhDaq ratlh juHwIj. naDev tIQ HuDmey. law'qu'
ngemmey. 'IHqu' puH. naDev jIHtaHmo' jIDo'qu'.
qoch vIghajbe'. mu'IQmoHpu' ngoDvam. DaH jIQuchqu'. qatlh
jIQuchchoH?
javmaHHu' muja' be' 'IH <<qaneH. bIval. bImatlh. bIyuDHa'.
qavoq. chaq parmaq wInej.>> jIQuchqu'choH. jIHvaD DunchoH qo'
naQ. jIparHa''eghchoH.
vaghmaH wejHu' mej be'vam. qaStaHvIS Soch jaj bIQ'a' Such.
cheghDI' tIqDajvaD mujey latlh. QaQqu' loDvam. val je. matlh je.
vIvuv. jIluj 'e' vISov, 'ach loDvam tlhejDI' be' vISaHqu'bogh
Quchqu' be'vam. Quchchugh ghaH jIQuch je.
DunDI' qo', qo' vItIv. chaq DunlaHchugh qo' mutlhejtaHvIS
be'vam, vaj DunlaH qo' jImobtaHvIS je 'e' vIqel. qo' vIbejmeH
mInDu' chu' vIlo'choH. bang vISuqHa' 'ach wo' Dun vISuq.
naghmey vItoS. bom vIbom. DujHom machqu' vIchenmoH. Quj vIQuj.
jI*Dance*qu'. Qu'mey law' vItIvqu'. QaQqu' yInwIj.
paS. jIQongnIS. chaq yInwIj lut qaja', 'ach ramvam qaja'be'.
lutwIj nI' law' poHwIj nI' puS.
pItlh