tlhIngan-Hol Archive: Thu Aug 07 22:48:50 1997
[Date Prev][Date Next][Thread Prev][Thread Next]
Re: jIDach 'ej DaH jIchegh
ja' Lisa Stapp:
>>wanI' law' vItIv.
>jIHvaD yIDel!
mongDechDaq baS DeghHom lanlu'bogh vISuqta' 'e' vItIvbej.
tlhIngan Hol vIjatlh 'e' vI'angmeH, Hoch jaj 'oH vItuQ.
<'Iv ghaH DeghwI''e'> vIbejtaHvIS jIHaghchu'taH. pup much!
wa'logh yIt ghom mach 'ej jaw. majot 'ej loQ matam.
ravDaq maba'. qul wIcherbe', 'ach wanI' pupmoHlaH qul.
Qujmey DISIQ. :-) Dogh Quj puS, 'ach Doghqu'be'.
Lawrence mu'Qujqoqmo' maja'chuqtaH jIH Lawrence Qov je.
QaQbe' mu'Qujqoq, 'ach nIvbej ja'chuqghach.
bommey DIbom. bommey chu' DIQoy 'ej loQ DIghoj.
cha' paq vIje'. tlhIngan Hol mu'ghommey pIm bIH.
German jatlhwI'vaD mugh wa'. Portugese jatlhwI'vaD mugh latlh.
'ej nutlhej Marc Okrand quv!
-- ghunchu'wI'