tlhIngan-Hol Archive: Mon Apr 21 07:21:56 1997
[Date Prev][Date Next][Thread Prev][Thread Next]
Re: Heghpu' SuvwI''a'
>Date: Sat, 19 Apr 1997 08:29:08 -0700 (PDT)
>From: "William H. Martin" <[email protected]>
>
>On Wed, 16 Apr 1997 06:17:08 -0700 (PDT) DaQtIq
><[email protected]> wrote:
>>
>> wa'Hu' ram SoSwI'vo' jabbI'ID vIHev. jIHvaD ra' (DIvI' Hol lo'ba'taHvIS)
>> <Do'Ha' Heghpu' "Luther Warren".>
>>
>> loQ jI'IQchoH. SuvwI''a' ghaH "Luther"'e', SuvtaHQo'mo'.
>
>rut SuvQo'taHvIS SuvwI''a' ghopDu', pe'vIl Suvqu' SuvwI''a' qa'.
taQ "-Qo'" mojaq. Hoch mojaq tlha', 'ach Segh Hut mojaq nung.
"SuvtaHQo'vIS" Daja'nIS. jum, qar'a'? motlh wa' mojaq rur "-taHvIS", 'ach
rut cha' mojaq 'oH maHvaD net qawmoH.
>> jIQuptaHvIS, muSIgh. ben law' jIralbe'taH 'ej QI' vISuv. vIbIjlu' je
>> 'ach muweghbe' 'e' wuq qum. DaH, jIqanchoHtaHvIS, jIralbe'be'taH.
>> rut ralnISlu' DaH 'e' vIHar. jach qeylIS 'e' vIQoymo' jIchoH'a'?
>> jISovbejbe'.
>
>qaStaHvISchugh wa' wanI' neH bIwuQnIS vaj ngeD wIvHomvam.
>potlhmeyvaD matlhqa'lu'taH. choHDI' ghu' choHnIS tIq.
'ej choHtaHvIS ghu choH je tIq (chIch "ghu" vIghItlh 'ej "ghu'"
vIghItlhbe'). maqanchoHtaHvIS, choHtaH qa'maj, yabmaj je. 'ej bIlugh:
nIteb choHmoHbe' wanI' ram. choHmoH yIn, wanI'mey law' DISIQbogh je.
("qaStaHvISchugh" DaghItlh'a'? yIyep! 'ej "wuQ" DaghItlhtaH "wuq"
DaghItlhnISDI').
>> taghpa' DIS chu', jIghIQ 'ej juHwIj vISuch. pa' jISaHtaHvIS, loQ
>> maja'chuq jIH "Luther" je. qanqu' 'ej pujqu'. Qoychu'be'. Hegh loSba'lI'.
>
>HeghrupchoHlaw'pu'. maj.
batlh Hegh je vajna'
~mark