tlhIngan-Hol Archive: Tue Apr 08 18:39:39 1997
[Date Prev][Date Next][Thread Prev][Thread Next]
Re: HoghwIj vIDelta'
ja' charghwI':
>DacheghmoHnISba'be'. DacheghnISmoHlaw'. {{:)>
reH latlh qab qul tuj law' Hoch tuj puS.
<-nISmoH->'e' reH vIghItlhHa'taH.
>> toH, jIqawchoH.
>
>maj. loQ jIHvaD wejmorgh DarurmoHpu'.
<wejmorgh> DaghItlh'a'?
majatlhqu'lI'chugh chaq vIbuSHa', 'ach maghItlhqu'lI'mo'...
>> mepqachvo' matlheDruptaHvIS, jIboHtaH.
>mepqach 'oH nuq'e'? mepqach ghorlu'meH, ngeDqu' Qu', qar'a'?
<mebqach> vIghItlhHa'. toH, <wejmorgh> vIbuSHa'nISqu'law'. :-)
>> pe'vIl jIloSnIS neH.
>qatlh pe'vIl loSlu'? vay' DaQaw'a'?
jIbejtaHvIS qu'choH mInDu'wIj 'ej chuSchoH tlhuHwIj.
>not jISawpu'mo' rut jIQuchqu'.
>'ach rut jI'IQ je. ram mu'uch pagh.
jIyajchu'. be'nal tlhejbej DIb, 'ach tlhejHa' tlhabna'.
>pagh puq vIghaj.
rut puqpu' ngIp net chaw'. pIj nIvlaH DuHvam.
>> pawpa' Duj lojmIt wISIchbej.
>DeSDu' tInqu' boghajlaw'. pawpa' chay' boSIchlaH? chaq mevpa'
>boSIchlaH, 'ach pawpa' boSIchlaH'a'?
Duj lojmIt wISIchbe'.
loSmeH pa' lojmIt wISIch neH.
>> Qong be'nalwI'.
>> jIlaD.
>chIj 'Iv?
raQpo'pu' maH.
raQpo' Duj wIlIghlI'.
chIjba' chIjwI''e'.
>> Duj 'etna'Daq maH vaj tIjHa'wI'pu' wa'DIch maH.
>wa'DIch maH? taQqu'.
taQ 'e' vItu' je, 'ach lughlaw'...
>> wa'maH chorgh vatlh rep 'uQ wISoptaHvIS, nurI' be'nI'.
>> QeHlaw' ghaH. <qatlh wej naDev tlhIHtaH jay'?> bep.
>> wa'maH jav vatlh rep paw Duj 'e' luSovmo' ghaH be'nalDaj je,
>lu-? luSovmo' ghaH be'nalDaj je?
HIvqa' veqlargh. be'nI' ghaH. luSov ghaH loDnalDaj je.
>> maghIQ rIntaH.
>> yIn motlh wISIQchoH.
>jIghIQ vIneH.
qep'a' loSDIch vIloSqu'lI'.
>> Sut wISay'moH 'e' 'oH Qu' wa'DIch'e'...
>reH SutwIj vISay'moHnIS.
DaSay'moHnISba'be'. DaSay'nISmoHlaw'. :-P
-- ghunchu'wI'