tlhIngan-Hol Archive: Tue Apr 08 06:22:26 1997
[Date Prev][Date Next][Thread Prev][Thread Next]
jIchegh
- From: "William H. Martin" <[email protected]>
- Subject: jIchegh
- Date: Tue, 8 Apr 1997 09:22:23 -0400 (EDT)
DaHjaj jIchegh. jIjeSqu'ta' 'ach DaH loQ jIjeS.
ram wanI' 'ach HolQeDDaq *Round Table* vIlaDDI' naDev
jIlojlaHtaHbe'.
tlhobbogh mu' - *which* - 'oSmeH, DIp-DIp mIw' lo'laH vay' 'e'
Har'a' vay'? Qu'vatlh! QIpqu' qechvam! HarlaH qoHna' neH!
[I point to a ship] HoD Duj 'oH Dujvam'e'.
'Iv Duj 'oH? HoD. 'Iv vIbuS? HoD. Duj vIbuSpu''a'? ghobe'. HoD
neH vIbuS.
mutlhob tera'ngan QIp, "Which ship will we enter?" tlhIngan Hol
lo'taHvIS chay' jatlhnIS?
jatlhchugh <<Duj wI'elbogh yI'ang!>> vaj yajlu'.
jatlhchugh <<nuq Duj wI'el?>> vaj mISlu'. Duj ghaj nuq? Duj
ghaj HoD 'ej HoD ghaH nuv'e'. HoD 'oHbe'ba' Doch'e'! HoD tIch
vay'! yIHoH!
jatlhchugh <<'Iv Duj wI'el?>> vaj mISlu'. HoD. HoD Duj wI'el.
HoD wIbuS. Duj wIbuSbe'. 'ach Duj wIbuS wIneH.
Duj wI'elbogh yI'ang!
pItlh
charghwI'