tlhIngan-Hol Archive: Mon Oct 28 19:12:28 1996
[Date Prev][Date Next][Thread Prev][Thread Next]
Hol lI'be' (was: Re: qutluch)
- From: Qov <[email protected]>
- Subject: Hol lI'be' (was: Re: qutluch)
- Date: Mon, 28 Oct 1996 19:11:40 -0800
jatlh Adrian K.
}I was wondering why each of us studies tlhIngan Hol. I know some of us
}are linguists, but aside from that, why do we spend our energy
}learning a language which we will never really use, when we could be
}learning a more useful one?
wa') tlhIngan HolvaD Hoch mu'tay' vIghojlaH. DuHbej. Holmey law' vIghoj 'ej
mu'tay'meywIj vIghurmoH vIneHtaH. 'ach not Hoch mu'tay' vISov 'e'
vISovbej. HolwIj'e' wa'DIch vIqeltaHvIS mu'tay' bID neH vISov.
mu'tay' vIbuSmo' munuS latlhpu' 'ach pab vIyajlaw' je 'e'
luchIDnIS, qar'a'?
cha') lutmey vIqonlaH 'e' vItu'meH tlhIngan Hol vIlo'pu' jIH. rut tlhIngan Hol
vIghojpa' lutHom vIqon 'e' vInID 'ach rInbe' lutwIj 'ej not latlhvaD
bIH vI'angqang. DaH tlhIngan Hol qeqmeH lutmey law' vIqon 'ej
"tlhIngan Holqoq neH" vIlo'mo' lutmeywIj vI'angqang. ghaytan QaQbe'
'ach DaH mu' HoSghaj vIyajchoH. mu'meywIjmo' vay' vIHaghmoH, vISaQmoH,
vI'IQmoH, vISey'moH. chaq tlhIngan Holmo' lutmeyna' vIqonchoH, DIvI'
Hol vIlo'taHvIS. yabwIj tlhabmoHlaw' Holvam.
wej) Dujqu' tlhIngan Hol ghojwI'pu'. chaH vItlhejtaHvIS jIQuch.
SKI: I learn Klingon because it is possible to know all the words, because
through it I have discovered the power of storywriting,
and because I enjoy the people it attracts.
---
Qov (Robyn Stewart) [email protected] tlhIngan Hol ngotlhchu'wI'