tlhIngan-Hol Archive: Fri Oct 04 15:01:41 1996
[Date Prev][Date Next][Thread Prev][Thread Next]
Re: DaH tlhIngan jIHbej
- From: [email protected]
- Subject: Re: DaH tlhIngan jIHbej
- Date: Fri, 4 Oct 1996 18:01:10 -0400
96-10-04 11:43:00 EDT, jatlh charghwI':
> 'ach verenganvaD Huch yap noblu'chugh, ghoqHa'laH je verengan. 'ej
> qoHpu'vo' neH De' lI' SuqlaH verengan. verengan voqlaH qoHpu' neH.
bIlugh. verengan voqlaHbej qoHpu' neH. 'ach ghaH Duja'chugh,
"bIghoqchu'ta'DI', Hoch HuchlIj DaHev." 'ej reH pegh'eghnISbe' ghoqwI'.
bejnIS neH.
> vaj DaH jIvIt. jIghoqpu' 'ach jImev. patlh pegh vIghajpu', 'ach DaH patlh
> vIghajbe'. yabwIj laD *Betazed*ngan 'ej patlhwIj peghHa' ghaH. vaj
> jIghoqlaHtaHbe', 'ej jIghoqlaHbe'taH 'ej DaH patlh vIHutlh 'ej
> reH jIghIQtaH. wo'vaD Sumchugh QI' peghmey lI' vaj jIghIQ 'e' vItIvqu'.
Haa haa haa! batlh bItlhaQ! Hee hee hee!
DaH maHvaD lutlIj teH yIja'. choHtaHmo' lutlIj, qavoqbe'bejqu'! chay'
DuHarlaH vay'? nuqDaq 'oH batlhlIj'e'?
> > reH tlhIngan wo' vItoy'!
> 'ach mu'tlheghvetlh jatlh je romuluSngan ghoqwI' QaQ...
mu'tlheghvetlh jatlh Hoch tlhIngan matlh jay'! romuluSnganpu'vaD ghoq'a'
Hoch? taHqeq! DaH wo' batlh DaHon'a' jay'?
> ravwIjDaq bIreghtaHvIS Qatlh Qu'vetlh. chaq ravwIjDaq bIghItlhmeH QuchlIj
> Hab Dalo'.
::gasp!:: romuluSnganpu'vaD bIghoqtaH, qaw'a'? QuchwIj ghegh law' QuchlIj
ghegh puS net Sov.
> chaq lojmItwIj vI'IHmoHmeH lomlIj vIlo'. vaj lojmItwIjDaq
> chuSlu'meH 'ej mujangmoHlu'meH nachlIj lo'laH SuchwI'pu'.
lu'. nachlIj moHqu''e' wIlo'chugh, Hoch SuchwI' Haw'moHba' 'oH.
> QaQ mu'qaD veSmaj, qar'a'?
HIja', QaQqu'! matay'DI' vIHtaHbogh bIQ rur mu'qaDmey!
SuStel
Stardate 96760.8