tlhIngan-Hol Archive: Thu Oct 03 18:28:10 1996
[Date Prev][Date Next][Thread Prev][Thread Next]
Re: DaH tlhIngan jIHbej
- From: [email protected]
- Subject: Re: DaH tlhIngan jIHbej
- Date: Thu, 3 Oct 1996 21:27:39 -0400
96-10-03 17:59:16 EDT, jatlh charghwI':
> qar. 'ach ghoqwI' qab chaH verenganpu''e'. chaH voq pagh. ghoqlaH'a'
> *Pakled*pu'? ghoqlaH'a' *Binar*pu'? ghoqlaH'a' *Crystaline Entity*pu'?
> chaq rut loQ potlh mut.
ghoqlaHchu' tera'nganpu tlhInganpu' romuluSnganpu' neH 'e' DaHar'a'? qoH!
ghoqchu'laH vulqanganpu' (*Tuvok* yIqaw). verenganvaD Huch yap noblu'chugh,
ghoqlaH verengan (*Quark* yIqaw). ghoqlaHbejqu' *Cardassia*nganpu'! (Is
there an "official" Klingon spelling for this? I seem to remember one . . .)
ghoqlaHbe''a' *Andorian*pu' *Tellerite*pu' joq? ghoqwI' law' tu'lu'! chaq
ghoqlaH je *Tholian*pu'!
> > mu'meyvam Dajatlhbe'. "patlhwIj qaja'Qo'," bIjatlh.
>
> naDev juppu' vIghaj. naDev jIjatlhlaH. chaq laDtaH tera'nganpu' puS, 'ach
> ghoqwI' jIH not DIvI' Hol vIjatlhtaHvIS 'e' vI'chID. 'ej SaH pagh...
> bISaHpa'. qatlh bISaH? chaq ghoqwI' SoH. nuq 'oH patlhlIj'e'? chaq bIQIj
> DaneH. chaq bIghoq 'ach chaq tlhIngan wo'vaD bIghoqbe'. chaq latlhvaD
> bIghoq! ghoplIj yIpe' 'ej 'IwlIj vIlegh 'e' yIchaw! chaq *changling* SoH!
wejpuH. tlhIngan Hol jabbI'IDghomDaq ghoqtaHchugh ghoqwI', tlhIngan Hol
laDlaHba'qu' jay'! naDev romuluSnganpu' tu'be'lu'bogh vISaHbe'. naDev
ghoqlaHbej tlhIngan Hol jatlhlaHbogh romuluSngan'e'. naDev po'bogh tlhIngan
Hol jatlhwI' law' law' tera'Daq po'bogh tlhIngan Hol jatlhwI' law' puS.
patlhqoq vIghajbe'. rewbe'na' jIH. 'ej chay' *Internet*Daq SoHvaD 'IwwIj
vI'ang jay'?
> 'ej chaq ghoqwI' nIv SoH, 'ach chaq tlhIngan ghoqwI' SoHbe'.
bIlugh. chaq ghoqwI' jIH. chaq. ('ej jIghoqchugh vaj jIghoqchu'qu'!) 'ach
reH tlhIngan wo' vItoy'!
> maj. romuluSnganpu' law' vIHoHta' je, 'ach not chaH vISov. vIghov neH.
> maghovchuqpu', maSuvchuqpu', vIHoHta'. qatlh chaH vISov vIneH? chaH vISov
> vIHoHmeH 'e' vIpoQbe'.
mu' nIvHa' vIwIvlaw'. romuluSnganpu' law' vIqIHqu'pu'. not cha'logh
romuluSngan rap vIghompu'. 'ej "reH jaghlIj yIyaj."
> DaqwIj DaqlIj ghap? {{;)>
DaqlIj. juHlIj chu' vIlegh vIneH! qaHoHneSDI', ravvo' 'IwlIj vIteq 'e'
vIlay'.
SuStel
Stardate 96758.4