tlhIngan-Hol Archive: Wed Jun 19 12:52:54 1996
[Date Prev][Date Next][Thread Prev][Thread Next]
naj charghwI'
- From: Alan Anderson <[email protected]>
- Subject: naj charghwI'
- Date: Wed, 19 Jun 96 13:48:02 EST
ghItlh charghwI':
>I had a dream that this list would once be dominated by
>Klingon text in varying complexity where people learn by
>example and continually try to express things perhaps only
>slightly beyond their current grasp. Krankor did more to
>inspire that dream during the one month he wrote ONLY in
>Klingon than anyone else has done before or since. My
>current life does not afford me the resources to try to do
>the same, though perhaps soon...
DaHjaj ngoQvam wIta' 'e' vIQaHqu'laHbe'.
taghwI'pu'vaD Qu'wIjmo' DIvI' Hol vIlo'nISbej.
Qanqor vIvuv. ghaH vIquvmoH vIneH.
rInDI' jav jarwIj 'ej mucho'DI' vay' rIntaH,
chaq naDev tlhIngan Hol neH vIlo'choH.
tlhIHvaD jIghItlh 'e' vItIv. Qatlhbe' ta'.
ghItlhmey lughItlhlu'chu'bogh vIlaD 'e' vItIv je.
QaQ ghItlhmey nap. motlh lugh pabchaj.
QaQ je ghItlhmey mach. lulaDlu'meH poH nI' lupoQbe'.
QaQlaH ghItlhmey tIn 'e' vItemQo'.
qaqbej ghItlhmey Daj.
taghwI' jabbI'ID jangqangDI' latlh,
lutmey Daj vIghItlhtaH 'e' vIHech.
chaq qaSDI' pongwIj vIchoH.
DIp neH 'oH ghunchu'wI''e'.
vIDbe' pongvetlh. vaQbe'. jaqbe'. jeQbe'. nongbe'.
rotlh pongwIj vIneH. jIQubqu'nIS.
-- ghunchu'wI' ...cha'maH chorgh jaj vItoghlI'...