tlhIngan-Hol Archive: Sun Jun 09 11:47:21 1996
[Date Prev][Date Next][Thread Prev][Thread Next]
jInajpu' je
pIch Daghajbej, wovwI'. maHvaD bInajtaHvIS qaSbogh wanI'mey DaDelpu'mo', DaH
jInajtaHvIS tlhIngan wanI'mey vIghomchoH je. (mu'tlhegh qech vIjatlhmeH
Qatlh. Suyaj'a'?)
cha'Hu' jInajtaHvIS, qep'a' wejDIchDaq jIpaw. naDev pawta' tlhIngan Hol
jatlhwI' law'. pagh vISov 'ach maja'chuqchoH. jISey.
tugh pa'wIj vItu'nIS. pa' wIDIllaHmeH matay'nIS ~mark jIH je. pa' Daq
Sovlaw' ~mark. vaj ~mark vInejchoH.
qaSDI' poH nI' ~mark pa'maj je vItu'. *web page*Daj vIleghpu'mo' qabDaj
vIghov. loQ ~markvaD jIjatlhtaHvIS, pa' vInuD. tIn pa'. pa'maj tIn law'
Hoch jatlhwI'pu' pa' tIn puS. ~mark vItlhob <qatlh?>, vaj mujang. meb
qachvaD meb potlh ghaH. vaj pa' tIn lunob. jIQub <jIDo'qu'!>.
lutwIj pItlh. Dap 'oH 'ach vItIv.
SuStel
Hovjaj