tlhIngan-Hol Archive: Thu Jul 18 14:40:20 1996
[Date Prev][Date Next][Thread Prev][Thread Next]
vay' vImughta'
- From: [email protected] (The Woulfes)
- Subject: vay' vImughta'
- Date: Thu, 18 Jul 1996 16:44:24 -0500
jIcheghpu'.
pIj jIghItlhbe' 'e' vIpay. jabbI'IDmeylIj vIlaD 'ach reH jIjangbe'. ghu'vam
vIchoHqang.
pIj *mush* vISuch. pa' ghotpu' law' vIqIHta'. qechmeychaj vItu' tlhIngan
Hol wIjatlhtaHvIS. rut lutmey DItam. reH lutmeychaj vIpol. pa' Doch law'
vIghoj je. mu' law' vIghojmo' jIbel.
Qu'vam vIchenmoH: vay' vImugh 'e' vIwuq. 'Fallen Heroes' ponglu'bogh paq
'ay' 'oH:
KiravaD jatlh Sisko:
<Heghpu' O'Brien; yIbDaq ratlhbogh porghDaj 'ay'mey tu'pu' QI'Hom
*Sergeant*. loj Hung; reH SuvtaH QI'Hom 'a yay lutullaHbe'.>
mInDu'Daj SoQmoH Kira 'ej Doy'choh porghDaj 'e' Hot ghaH. Qub ghaH:
<may'mey' law' tu'lu' 'ej tul laghajbe'bogh Qu'mey' law' tu'lu'. yay
Dachov 'e' DanID 'e' yav QaQDaq bISuvmeH bIyIn.>
SiskovaD jatlh Kira:
<qaH, naDev chaH jISamlaHbogh Hoch puqpu''e'. jIH...Jake vISamlaHbe'.>
tugh latlh 'ay' vImugh. SujangDI' jIbel.
Qapla',
valwI'