tlhIngan-Hol Archive: Thu Aug 08 08:12:01 1996
[Date Prev][Date Next][Thread Prev][Thread Next]
qep'a': wanI'mey vItuvqu'pu'bogh (Highlights) (in Klingon)
- From: Mark Mandel <[email protected]>
- Subject: qep'a': wanI'mey vItuvqu'pu'bogh (Highlights) (in Klingon)
- Date: Thu, 08 Aug 1996 11:08:21 -0500
qep'a': wanI'mey vItuvqu'pu'bogh (Highlights)
[NOTE: In order to use Klingon without excluding beginners, I will
also post an English translation of this message.]
[yIqIm! tlhIngan Hol vIlo'meH 'a chu'wI'pu' vItuchbe'meH,
DIvI' Hol mojmeH jabbI'IDvam vImughpu' 'ej 'oH vIlI'.]
cha'maH cha'vetlh rep qep'a' DaqDaq jIpawDI',
qep pa'Daq jIyIt pa'wIjDaq 'aHwIj vIlanpa'.
tlhIngan Hol lo'wI'meymo' naQ qep pa' 'ej chaHvaD jIlIH'egh.
pImmo' nughmey loQ yay'lu'law':
burgh SIp vIjatlhDI'* jIchuSqang 'e' vIqawnIS.
(<Power Klingon>Daq 'uQ yIqaw!)
* I had to invent an expression. Interpret the words loosely.
<beach volleyball> QujmeH yotlhDaq <sand> 'oH yav'e'.
loQ qaSpa' ramjep, HaQchormo' chechtaHvIS <Robyn>,
veSqoq wIchavtaH jIH ghaH je.
tlhIngan Hol <Scrabble> wIQujtaH.
wo' bom'a' <taHjaj wo'> wIbom nuDevtaHvIS qonwI'Daj HoD Qanqor.
<Hamlet> 'ay' vagh 'ay'Hom cha' wIqeq 'ej wIqeqqa' 'ej
wIqeqqa'qu', 'ej rInDI' wImuch.
<TrI'Qal> ghom meghDaq tlhIngan Hol neH wIjatlh 'e' machaw''egh.
ram rep law' bom veS <Encore!> wIQujtaHvIS 'uy' law' bom DIbom.
cha'logh mangghomDajvaD bachchu'
Sochben boghlaw'bogh loDHom <Cory>'e',
'ej ghaH naDqu'taH Hoch mangghommey.
<Marc Okrand> qamDaq maba'pu'.
'uQ'a'Daq qagh wISop.
(loQ) tera'nganpu' DIghIj.
yuch Suy.
tlhIngan Hol yejHaD Degh chu' manobchuqtaH.
<mu' pegh>.
QIch luqeqmeH wejmaH tlhIngan Hol lo'wI'pu' vIDev.
mIwvaD nuj jat je Da ghopDu'wIj.
cheghlu'taHvIS pImmo' nughmey yay'lu'law':
juHwIj vIghoSlI'DI',
burgh SIp vIjatlhDI' jIchuSQo' 'e' vIqawnISqa'.
marqem, tlhIngan veQbeq la'Hom -- Heghbej ghIHmoHwI'pu'!
Subcmdr. Markemm, Klingon Sanitation Corps -- Death to Litterbugs!
** Mark A. Mandel : [email protected] **
Dragon Systems, Inc. : speech recognition : +1 617 965-5200
320 Nevada St., Newton, MA 02160, USA : http://www.dragonsys.com/
=> KLINGON PAGE! http://www.dragonsys.com/klingon/klingon.html <=