tlhIngan-Hol Archive: Thu Aug 01 17:50:00 1996

Back to archive top level

To this year's listing

• Index by Date
• Index by Thread
• Index by Author

Re: "World's Hardest Language"?

• From: [email protected]
• Subject: Re: "World's Hardest Language"?
• Date: Thu, 1 Aug 1996 20:49:17 -0400

qaSDI' 96-08-01 15:06:49 EDT, jalth ~mark:

> *Basque* Hol vIjatlh jIH 'e' vIHar.  qaStaHvIS qep'a' wa'DIch,
>  maja'chuqtaHvIS, Holmey DIqel jIH, *janSIy*, *charghwI'* je (chaq latlhpu'
>  je).  'ej *Basque* Hol wIqel je.  Dajlaw', vaj *Basque* Hol paq vIje' 'ej
>  vIHaDchoH.  Dajbej Hol, 'ej Doj.  'ej Qatlhqu'bej.  yabwIj SIHqu'law'. :)
>  Huj Hol.  vaj *janSIy* vIleghDI', "*Basque* Hol vIHaDchoHpu'" vIja'.
>  ghaytan pa' 'oH DaQoy.

ghaytan.  chaq *Basque* Hol Delbogh paq vInej.  ngoDmey puS vISov, 'ach
mu'mey puS vIlaDlaH vIneH.

>  > 'ach Qatlhbe'law' *English* Hol.
>  > novwI' law' vISov 'ej reH ngeD *English* Hol muja'.
 
>  jIQoch.  Qatlhqu'law' *English* Hol.  Hujbej Hol.  *English* Hol luja' nov
>  law', 'ach qo'majDaq potlhqu'mo' neH *English* Hol luSov.  ngeDbe'.

latlhpu' mu'mey vIja' neH.  juHwIj SuchtaHvIS *German*ngan ghojwI', ngeD
*English* Hol muja'.  QIt 'oH ghojlI', 'ach QIt *French* Hol ghojlI' je.
 *English* Hol ngeD law' *French* Hol ngeD puS 'e' Qub ghaH 'e' vISovbe',
'ach *English* *spelling* Qatlh law' *French* *spelling*, *German* *spelling*
je Qatlh puS 'e' wIQochbe'pu'.

~mark, Holmey DaSovbogh law' law', Holmey vISovbogh law' puS, vaj bIlughlaw'
(<law'>mey law'!), 'ach Qochlaw' *English* Hol jatlhchu'be'wI'pu' puS
vISovbogh.

SuStel
Stardate 96585.9

• Prev by Date: Re: tugh leSpoHwIjmo' jIDachqa'
• Next by Date: Re: qeqwI'
• Prev by thread: Re: "World's Hardest Language"?
• Next by thread: Re: qoHpu'mo' nuQanjaj qeylIS qa'
• Index(es):
  • Date
  • Thread
  • Author

Back to archive top level