tlhIngan-Hol Archive: Sat Sep 23 01:02:18 1995
[Date Prev][Date Next][Thread Prev][Thread Next]
Re: }} ram ghu'
- From: [email protected]
- Subject: Re: }} ram ghu'
- Date: Sat, 23 Sep 1995 01:02:18 -0400
ghu'meyvam'e' Har charghwI':
>chaq QuptaHvIS tIqwIj jIqanchoHmo' jImISchoH. ngoDmeyHeyvam
>vISovlaHbejbe'. HoSghaj porghwIj 'ej nom vIQublaH 'ach loD qan
>vIDataH 'e' pIH Hoch.
qupna'vo' pIm qanwI' neH, 'e' yISovbej. DotlhlIj qan wIghovmo'
pIquvmoHba'taH. SoHDaq Dotlhmey'e' DaDubnISmoHbogh Daleghchugh, bIquv.
Daleghbe'chugh bIjIvlaw'. pIj poHlIj qanDaq valtaHghach vItu'mo' jIH,
jIvtaHghachHeylIj vIHarQo'. bIjIvbe'qu'. chIch porgh HoS, yab tuj je
tIlo'chu', lI'mo' bIH.
vay'mey DaneHtaH, 'e' Dajatlh. vaj bIpIv. bIyonbe'mo' je, bIDub -- yInID neH.
bIneHtaH 'e' yIlaj, motlhmo' ghu'vam. vay' neHtaH Hochna'. neHlu'be'chugh,
Dalqu'taH ghu'. 'a Daj ghu'lIj.
DuqaD ghu'lIj. Du'ItmoHmeH nIDtaH 'oH. SoHDaq ghu' qay' baH 'oH. Dotlh 'It
jeylaHbej Dotlh val. lalDan vay' Da'olQo' 'e' vISov. vaj Duvupbe' jubbe'wI'
vay'. bIpIv 'ej bIyonbe'. DuDechtaHbogh 'u'Daq yISach. qaDmeyDaj DatlhapmeH
yISIch.
loQ yInlIj neH yIbuSQo'. latlh yInmey tIjeS. DutIvmoH juppu'. not puplaH
jupboqmey. SoHvaD Qagh je chaH. tIlaj neH. chaq yapbe' qeSwIj, lalDan qechmey
Da'Ijqangbe'law'. "Christian" lalDan vIqelbe'. 'u'Daq tInqu' lalDan Sar.
qo' yIqIm 'ej yIvulHa''eghmoH. ghu'na' qay' Datlhojchu'DI', Daq Hurghvo'
yItlhap 'ej Daq wovDaq yIlan, 'ej vaj Dub ghu'vetlh, 'ej DuQuchchoHmoH.
lalDanHomwIjmo' 'e' vIHar. jIvup DaneHbe', 'ach qeSwIj yIqel.
ghuy'Do