tlhIngan-Hol Archive: Thu Sep 07 10:25:54 1995
[Date Prev][Date Next][Thread Prev][Thread Next]
Re: }} nuq neH qeylIS?
- From: "William H. Martin" <[email protected]>
- Subject: Re: }} nuq neH qeylIS?
- Date: Thu, 7 Sep 1995 10:25:54 -0400 (EDT)
According to DaQtIq:
>
> yIqIm! HIqeS!
>
> yInwIj vIyonHa'. jIQuchHa'taH. batlh jIyIntaH 'e' vIHar 'ach jIyonHa'.
jIQuchHa'taH je 'ach jIbepQo' 'e' vInID. jIQuchHa'qu'DI'
naghmey vItoS 'ej jIQuchchoH. jIQuchHa'pu' 'e' vIlIjchoH.
yInwIj vIchoHbe'chugh vaj yInwIj choHlaH pagh.
DuQuchmoHbogh Qu' Datu'nIS. not Qu'vam Dunob latlh.
> batlh jIyIntaH neHbej qeylIS. jIQuch neH'a' qeylIS? bel SaH'a' SuvwI''a'?
> yap'a' batlh? SuvwI' Qu'mey nuq? SuvwI' ngoQmey nuq?
DuQuchmoHlaHbe' quv neH. quv potlh law' QuchtaHghach potlh puS.
potlh QuchtaHghach je, ach nIv quv.
> chaq rejmorgh vIDa 'a jI'IQmo' yInwIj bel je vIQub.
bIQuch DaneHchugh vaj bIQuch. bI'IQ DaneHchugh vaj bI'IQ.
bI'IQchugh 'ej bIQuch DaneH vaj yIvang! bIvangQo'chugh vaj
bI'IQ 'e' DawIvtaH.
> jIrIn.
> - DaQtIq
charghwI'
--
\___
o_/ \
<\__,\
"> | Get a grip.
` |