tlhIngan-Hol Archive: Wed Sep 06 21:31:36 1995
[Date Prev][Date Next][Thread Prev][Thread Next]
Re: }} nuq neH qeylIS?
- From: "R.B Franklin" <[email protected]>
- Subject: Re: }} nuq neH qeylIS?
- Date: Wed, 6 Sep 1995 18:31:36 -0700 (PDT)
On Wed, 6 Sep 1995, DaQtIq wrote:
> yIqIm! HIqeS!
>
> yInwIj vIyonHa'. jIQuchHa'taH. batlh jIyIntaH 'e' vIHar 'ach jIyonHa'.
qatlh yInlIj DayonHa'? Dal'a' yInlIj? Dajbe''a' Qu'lIj?
> batlh jIyIntaH neHbej qeylIS. jIQuch neH'a' qeylIS? bel SaH'a' SuvwI''a'?
> yap'a' batlh? SuvwI' Qu'mey nuq? SuvwI' ngoQmey nuq?
(chaq <SuvwI' Qu'mey bIH nuq'e'?> <SuvwI' ngoQmey bIH nuq'e'?> je
DajalthnIS.)
yap quv 'e' vIHarbe'. batlh yIn vulqanganpu' je 'ach yapbe' vulqangan
yIn 'e' qel tlhInganpu'. vulqanganpu' chaHbe'chu' tlhInganpu''e'.
yIn lutIvlaHbej tlhInganpu'. batlh yInbe' neH tlhIngan 'ach quv Hev 'e'
tIv tlhIngan. ta'meyDaj lughovlu' 'e' tIv tlhIngan. Suv SuvwI' 'ach
qaD tIv SuvwI'na'. yInlu'chugh potlhbe' 'ej Heghlu'chugh potlhbe'.
potlhna' 'oHtaH qaD'e'. yIn luDajmoH qaDmey'e'.
> chaq rejmorgh vIDa 'a jI'IQmo' yInwIj bel je vIQub.
rejmorgh yIDaQo'. SuvwI' yIDa. tIqlIj Da'angnIS. chaq wa'leS bIHegh
'ach DaHjaj yISop 'ej yItlhutlh 'ej yISuv 'ej yIQuch. bIyIntaHvIS yIn yItIv.
> jIrIn.
> - DaQtIq
yoDtargh