tlhIngan-Hol Archive: Tue May 31 20:48:40 1994
[Date Prev][Date Next][Thread Prev][Thread Next]
KSRP: _Hamlet_ lut bommey
- From: [email protected] (Nick NICHOLAS)
- Subject: KSRP: _Hamlet_ lut bommey
- Date: Wed, 1 Jun 94 22:45:53 EST
2.2.
meQ Hovmey 'e' yIghoH.
ratlh Hov'a' 'e' HIpon.
ngeb je vIt 'e' yInoH.
bang jIH, not 'e' yIHon.
...
toH bo'DIj pIn'a', *jeptlha* qan.
...
wa' puqbe' Daghajpu' neH;
ghaH DaparHa'pu' 'ej DaQan.
...
ra'taHvIS San, not Sun.
vaj ghaHvaD qaSpu' qun wanI'.
3.2.
vaj rIQDI' Haw'jaj to'baj jay',
'ej reHjaj pIvbogh Qa'.
reH yepnIS vay'; reH QongnIS vay';
reH ghu'vetlh ngo' wIma'.
...
loDnI', yISov: chIch wo'vamvo'
qeylIS lunge'pu'. taQ.
povpu' voDleH, 'a DaH ghaH cho'
'ej DaH wo' che' --- pujwI'.
...
maj. lutmaj parchugh ta',
ghaytan vaj --- par, baQa'!
4.5.
chay' bangwI' teH vIngu'?
chay' latlh vIDoH?
lengmIv, baSDaS je tuQ
'ej naQ'a' woH.
...
Heghpu' 'ej lojpu', joH.
Heghpu' 'ej loj.
DaH porghvo' Haw'pu' qa'.
yo' qIjDaq Qoj.
...
lomSut chIS law', peDwI' chIS puS.
luDech SuvwI'na' Degh.
'a molDaj retlhDaq jach pagh wuS,
ghaH mupDI' rIntaH Hegh.
...
DaHjaj 'oH bangjaj'e'. nuqneH!
SuH 'eqDI' po, qaghoS.
'ej batlh tugh mamuSHa'chuqmeH
lojmItlIjDaq jIloS.
vaj Hu'DI' loD, lojmItDaq joD.
wej tuQDI', poSmoHta'.
'el be'. bel be'. 'ej be'batlh woD.
tugh be' lon loD net ja'.
ghay'cha' chomaghpu'. qatlh choHup?
ghay'cha' yItuH yISaH!
naghmeH loD Qup, pIj tojqu'rup.
'ej pIch lughajbej chaH.
jatlh be': qanaw not 'e' DanIS,
managhpa' 'e' cho'ol.
jang:
qar, 'a vIDIS: vIlay'taHvIS,
managhmeH wej chochol.
...
molghomDaq porghDaj tlhol luqeng;
QI'yaH QI'yaH QI'yaH.
'ej molDaq SaQlu'mo', chen ngeng.
...
'ej not cholqa''a' ghaH?
'ej not cholqa''a' ghaH?
ghobe'. Hu' Hegh.
SIbI' yIjegh.
DaH not cholqa'ba' ghaH.
peDwI' rur rolDaj chIS.
ram qIj rur patlhDaj ngup.
DaH yaH. DaH yaH.
maSaQnIStaH.
QItu' Da'eljaj, qup!
5.1.
jIQuptaHvIS muSoD
belna', vay' vImuSHa'DI'.
jIchepmeH poH vImoD,
'e' poQlaw' pagh, ghob ra'DI'.
'ach ro'DajDaq mujonpu'
bov qu'. mujonDI' bIvlaw'.
yav bIrqu'Daq mulonpu',
'ej ben jIQup 'e' jIvlaw'.
wa' lamnge'wI', wa' naghghorwI',
lomSut je neH bIH jan'e'.
'ej lamDaq DIS chenmoHlu'DI',
vaj yonnIS molvetlh ngan'e'.
...
lom mojDI' qeylIS, lam moj je voDleH.
SuS waQmeH, pa'Dop DISHom ghoDlaH neH.
nunuQ bov bIr 'e' botmeH vaj nuboQ 'e'
lajlaw' ben qo'maj HajmoHbogh lamtlhoQ'e'.
--
Nick.