Skip to content

Qo'noS QonoS

chovnatlh cha’maH

DIS cha’SaD wa’, jar chorgh


ghItlhvam HIDjolev


pagh wImuch

wen, ghItlh charghwI’ «qaStaHvIS jar naQ,
qonmeH poH qech joq Hutlhchugh Hoch vaj qaStaHvIS wa’ jar ngablaH
Qo’noS QonoS ‘e’ vIHarbej.» chaq nujangmoHmeH neH bep
charghwI’. chaq nuQubchoHmoH neH ghaH. chaq lugh. ‘a jIQoch jIH.
ngabbe’nIS Qo’noS QonoS. qo’ naQDaq, wa’ tlhIngan Hol lo’bogh
QonoS neH tu’lu’: Qo’noS QonoS, ‘ej meqvetlhmo’ potlh ‘ej
le’. ngab ‘e’ wIchaw’chugh, vaj Sup Dun wIlo’Ha’ ‘ej ‘eb pov wInarghmoH.

ghItlh vIHutlhchugh, nuq ‘oS? pagh De’ Daj tu’lu”a’? Dachbej’a’ qechmey
chu’? ja’ charghwI’, «qech potlh HutlhDI’ tlhInganna’
jatlhbe’.» ‘ach qech DIHutlhbej’a’? ghobe’: ghItlh’e’ DIHutlh.
qech lutu’lu’bej ‘e’ vIHarchu’. ‘ej rut Qo’noS QonoS lIjlu’,
qoj yapbe’ poH, qoj lumlu’ (jIlumchu’ jIH!).

vaj DaH jIghItlh jIH. tlhoS qaSDI’ jar jaj Qav, ‘ej ghItlh vIHutlhchu’,
‘ach ngabchu’ QonoS ‘e’ vIchaw’Qo’. pagh vImuchlaH, vaj pagh vImuch, ‘a
meq vIQIj. chaq maghoj (‘ej jIghoj je jIH) ‘ej jomaj wIlo’choHchu’, ‘ej
taHmeH QonoSmaj ghItlh DIqonchoH.


[HeD]

Qo’noS QonoS juH chegh

[juH]

tlhIngan Hol yejHaD juH chegh

[Duv]

Leave a Reply

This page was last modified on March 31, 2014 and is managed by:

The Klingon Language Institute is a nonprofit corporation and exists to facilitate the scholarly exploration of the Klingon language and culture. Klingon, Star Trek, and all related marks are Copyrights and Trademarks of Paramount Pictures. All Rights Reserved. Klingon Language Institute Authorized User.