Di Klingon Shprakh Institutsye

Gegrindet in yanuar 1992, di Klingon Shprakh Institutsye (KSI) iz mamshikh ir shlikhes fun tsunoyfbrengen yekhidim vos zaynen farinteresirt in dem limed fun Klingon lingvistik un kultur, un farn tsushteln a forum far diskusye un gedanken-oystoysh.

Undser mitglidershaft iz a farsheydnartike, un nemt arum libhobers fun der Star Trek kino-serye mit naygerikeyt un frages vegn der Klingon shprakh, "RP"-shpilers vos viln araynpasn oytentishkeyt in zeyers a Klingon held, vi oykh studentn un profesyonaln in di felder fun lingvistik, filologye, kompyuter visnshaft un psykhologye, vos zeen di Klingon shprakh vi a vikhtiker metafor in lernzal oder viln poshet tsunoyfporn fakh mit tsaytfarbreng. khotsh zi iz bazirt in di fareynikte shtatn, iz di institutsye an internatsionale unternemung vos dergreykht haynt tsu tog fertsik medines un ale 7 kontinentn.

di klingon shprakh iz beemes eygnartik. khotsh es zaynen geven andere kinstlekhe shprakhn, un andere shprakhn oysgearbete far oysgetrakhte yetsurim, iz Klingon eyne fun di zeltene faln, ven a geniter lingvist iz gerufn gevorn tsu shafn a shprakh far oysererdishe bashefenishn. gib nokh derbay tsu, draysik yor fun dem Star Trek fenomen, -- a mytos vos iz arayngedrungen in der populerer kultur un hot zikh farshpreyt iber dem globus. di ale faktorn heybn ersht on oyftsuklern di popularitet fun dem kemfer-loshn.

oyb ir fangt ersht on mit der Klingon shprakh, iz gevuntshn tsu banutsn, dos Klingon Verterbukh fun Mark Okrand, aroysgegebn gevorn fun "Pocket Books" (ISBN 0-671-74559-X). Dr. Okrand hot oysgetrakht di shprakh far di Paramount film studyos un iz geven a bal-yoets far etlekhe fun di Star Trek filmen un far episodn fun Star Trek: der vayterdiker dor. Ikh rat aykh oykh tsu koyfn kopyes fun Conversational Klingon (ISBN 0-671-79739-5) un Power Klingon (ISBN 0-671-87975-8), tsvey audio kasetn (oykh fun Mark Okrand, mit a naratsye fun Maykl Dorn) vos ken aykh helfn zikh lernen di klangen fun Klingon un aykh oyslernen gevise nutslekhe frazn. tomer kent ir zikh nit aynshafn di zakhn oyfn ort, ken men zey bashteln fun KSI durkh a kredit-kartl, andershvu oyf dem vebplats.

di hoypt publikatsye fun der Klingon Shprakh Institutsye iz HolQeD, undser kvartlnik. yeder numer nemt arayn kunstverk, hoypt-artiklen un regulere rubrikn vos diskutirn Klingon lingvistik, shprakh un kultur. tsu dem, vern farefntlekht briv fun mitglider, vos ekzaminirn, komentirn un firn vikukhim iber gedanken un argumentn vos zaynen oyfgehoybn gevorn in frierdike numern. dos halt oyf an atmosfer fun kegnzaytikn derekh-erets un ofener diskusye. mer vi stam a nayes-buletin, HolQeD is an akademisher zhurnal vos banutst zikh mit colegyaln iberzikht, iz registrirt bay der Bibliotek funem Kongres un iz katalogirt bay der Fareyn fun Moderne Shprakhn.

tsi ir zayt a geveynlekher onheyber oder ir bahersht di shprakh gants flisik, tsi ir hot keyn ander shprakh nit gelernt oder ir kent leyenen un shraybn mer vi a tuts verter, oyb ir hot an interes in der Klingon shprakh, farbet ikh aykh zikh ontsushlisn tsu unds in undser oysforshn di galaksyes amgikhstns vaksndike shprakh.

Qapla'

Lawrence M. Schoen, dr.
direktor fun der KSI (Klingon Shprakh Institut)

Translated by Leybl Botwinik.
* Back to KLI Home Page